Pierre-Emerick Aubameyang do të largohet nga Arsenali në fund të këtij sezoni.

Kapiteni nuk ka pranuar të rinovojë kontratën (i përfundon në verën e vitit 2021) dhe klubi anglez do detyrohet ta shesë, për të mos e humbur me parametra zero.

Sulmuesi nga Gaboni pëlqehet nga shumë klube evropiane, por dëshira e tij e madhe është kalimi te Real Madrid. E pret prej kohësh të luajë në “Santiago Bernabeu” dhe do të plotësonte një premtim që i bëri dikur gjyshit të tij të dashur.

“Ëndrra ime e fëmijërisë ka qenë të luaja me Real Madrid. Para se të vdiste në vitin 2014, i premtova gjyshit tim, i cili ishte nga Avila, 110 km larg Madridit, se do të luaja një ditë te Reali. Është e komplikuar, por kjo dëshirë qëndron akoma në një cep të kokës time”, deklaron Aubameyang.