Emisari i Bashkimit Evropian për dialogun Kosovë-Serbi, Peter Sorensen, ka zhvilluar takime në Berlin me sekretaren e shtetit të Gjermanisë, Geza von Geyr, dhe këshilltarin për Politikë të Jashtme të kancelarit gjerman, Friedrich Merz, Gunter Sautter.
Në një postim në platformën “X”, Sorensen ka theksuar rëndësinë e këtyre takimeve për avancimin e dialogut mes Kosovës dhe Serbisë. Ai ka shprehur mirënjohjen për mbështetje të fortë që Gjermania ofron në përpjekjet e BE-së për normalizimin e marrëdhënieve midis dy vendeve.
“Gjithmonë mirë të jem në Berlin. Takime të para shumë të mira me sekretarin e shtetit Geza von Geyr dhe këshilltarin kryesor për Politikë të Jashtme të kancelarit Merz, Gunter Sautter. Diskutuam se si të çojmë përpara normalizimin e marrëdhënieve midis Kosovës dhe Serbisë. Mirënjohës për Gjermaninë për mbështetje ndaj përpjekjeve të BE-së,” ka shkruar Sorensen.
Always good to be in Berlin 🇩🇪. Very good first meetings with State Secretary Géza von Geyr and Chief Foreign Policy Adviser to Chancellor Merz, Günter Sautter. We discussed how to advance normalisation of relations between Kosovo and Serbia. Grateful for 🇩🇪 support to 🇪🇺 efforts pic.twitter.com/EcoxEBEgHY
— EUSR for Belgrade-Pristina Dialogue (@EUSR_Dialogue) May 20, 2025
Sinjali – aty ku e vërteta flet para lajmit!