Klubi nga kryeqyteti, FC Prishtina ka njoftuar se ka larguar 10 futbollistë nga skuadra.
Prishtina me anë të një postimi ka bërë të ditur se lojtarët si: Mergim Pefqeli, Muhamed Useini, Genc Hamiti, Hasan Hyseni, Kushtrim Gashi, Egzon Sinani dhe Kreshnik Uka nuk do të jenë pjesë e skuadrës, pasi të njëjtëve iu ka skaduar kontrata.
Gjithashtu, me marrëveshje klubi ka ndërprerë bashkëpunimiin edhe me Albion Kurtaj, Ermal Veliqi dhe Butrint Bulliqi.
E përveç lojtarëve, klubi bardh e kaltër ka larguar edhe dy trajnerët Agim Maliqi dhe Ardian Sallahu.
Kujtojë që klubi kryeqytetas dje njoftoi për arritjen e marrëveshjes me një trajner të ri.
Bëhet fjalë për trajnerin e njohur, Jean-Michel Cavalli, i cili kishte menaxhuar disa skuadra të mëdha në Evropë.
Krejt këto largime me siguri kanë qenë të drejtuar me gisht pikërisht nga trajneri francez, i cili synon në një reformë totale te klubi i Prishtinës.