Gazeta Sinjali mëson se dhjetëra zyrtarë policorë, inspektorë të policisë dhe oficerë të doganës, të asistuar nga ATK-ja dhe AVUK-u, sapo kanë zbarkuar në fabrikën e përpunimit të mishit “BUQUKU” në dalje të qytetit të Pejës.

Kjo vizitë e papritur e institucioneve të sigurisë në këtë biznes, raportohet se vjen si rezultat i dyshimit për bartjen e mallrave në pikën kufitare duke iu shmangur kontrollit doganor.

Sinjalizuesit nga vendi i ngjarjes raportojnë se dhjetëra zyrtarë tashmë janë futur brenda fabrikës dhe kanë filluar bastisjen, përderisa të gjithë punëtorët e kësaj fabrike i kanë nxjerrë jashtë dhe po i mbajnë nën vëzhgim.

Gazeta Sinjali do t’ju mbajë të informuar rreth zhvillimeve të reja…/Gazeta Sinjali/