Një person i kërkuar me urdhër-arrest aktiv është arrestuar të hënën në Gjakovë dhe është dërguar menjëherë në Qendrën e Paraburgimit në Hajvali, mëson ekskluzivisht Gazeta Sinjali.
Burimet e Sinjalit bëjnë të ditur se arrestimi është realizuar rreth orës 12:40 në rrugën “Nënë Tereza”, pasi Policia kishte pranuar informacione për vendndodhjen e personit të kërkuar.
Pas daljes në terren, patrulla policore ka identifikuar dhe ndaluar Haki Azemajn, ndërsa verifikimet në sistemet policore kanë konfirmuar se ndaj tij ishte në fuqi një urdhër-arrest aktiv.
Sipas dokumentacionit gjyqësor, ndaj Azemajt ekzistonte një vendim i formës së prerë, me të cilin urdhërohej që pas arrestimit të dërgohej në institucion korrektues për vuajtjen e dënimit.
Pas përfundimit të procedurave policore, zyrtarët kanë zbatuar urdhrin e gjykatës dhe të njëjtin e kanë transportuar në Qendrën e Paraburgimit në Hajvali.
Rasti është evidentuar si “Arrestim i personit me urdhër-arrest”.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.