image Ekskluzive/ Ky është zyrtari policor që u kap me municion në Vërmicë, suspendohet nga detyra

Siguri

Ekskluzive/ Ky është zyrtari policor që u kap me municion në Vërmicë, suspendohet nga detyra

news image

Një pjesëtar i Policisë së Kosovës mbrëmë është kapur teksa po bartte ilegalisht municion në pikën e kalimit kufitar në Vërmicë. Si pasojë e kësaj, ai është suspenduar nga pozita e tij, raporton Gazeta Sinjali.

Sinjali mëson ekskluzivisht nga burimet e veta se bëhet fjalë për zyrtarin policor Isa Dakaj, 53-vjeçar.

Dakaj u kap me municion, saktësisht me 1 mijë e 74 fishekë të pushkës për gjueti.

Këtë e ka konfirmuar edhe Inspektorati Policor i Kosovës, ku përmes një njoftimi për media është bërë e ditur se për policin, që ishte jashtë detyrës zyrtare kur u kap, në bashkëpunim me prokurorin është hapur rasti me dyshimin se është kryer vepra penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materialeve plasëse”.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata. 

/GazetaSinjali/