Abuzimi me substanca narkotike nga të rinjtë mbetet një shqetësim i madh në shoqërinë kosovare. Varësia nga droga sa vjen e shtohet dhe kjo dëshmohet çdo ditë me kapjen dhe arrestimin e dhjetëra personave konsumues e shpërndarës të substancave narkotike.
Një shtetas i huaj është arrestuar mbrëmë në Prishtinë pasi u kap me substancë narkotike gjatë një kontrolli rutinë nga Policia.
Sinjali mëson se mbrëmë njësia policore gjatë patrullimit në rrugën Zija Shemsiu (Rruga B) ka ndaluar një të dyshuar, i identifikuar si Danish Kelef, 20 vjeçar shtetas i Holandës.
Gjatë kontrollit fizik, tek ai është gjetur dhe sekuestruar një sasi prej 4 gram marihuanë. I dyshuari është shoqëruar në Stacionin Policor, ku me urdhër të prokurorit kujdestar është intervistuar në cilësinë e të dyshuarit.
Prokurori ka lëshuar urdhër për ndalimin e tij për 48 orë, ndërsa substanca e dyshuar narkotike është sekuestruar si provë materiale.
Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Sinjali – aty ku e vërteta flet para lajmit!