Zyrtarët policorë në koordinim me Prokurorinë Themelore në Ferizaj, në zbatim të një plani operativ, kryen kontrolle në një shtëpi dhe objekte përcjellëse gjatë ditës së djeshme.
Sipas policisë, gjatë kontrollit u gjetën substancë që dyshohet të jetë narkotike e llojit kokainë me peshë rreth 842.9 gramë. Lidhur me këtë, Policia arrestoi një person.
Sinjali mëson se personi i arrestuar gjatë këtij operacioni është Qendrim Terzija, 33-vjeçar.
Policia theksoi se substanca është gjetur në shtëpi dhe një pjesë e groposur në kopsht.
“Po ashtu, janë gjetur dhe sekuestruar dy armë të shkurta (njëra me leje), 40 fishekë, një peshore digjitale, 19 mijë e 288 euro, disa kartela bankare dhe dëshmi tjera që do të përdoren në procedura të mëtejme ligjore”, u tha në njoftimin e policisë.
Ndaj tij është iniciuar rasti për përfshirje në veprat penale: “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” dhe ‘Mbajtja në pronësi ose kontroll të paautorizuar të armës’.