Një rast i gjuajtjes me armë ka ndodh sot rreth orës 16:08 në rrugën “Mbretëresha Teutë” në Pejë, pikërisht para stacionit policor, cak i të shtënave ishte një polic. Tashmë i dyshuari është arrestuar, raporton Gazeta Sinjali.
Siç merr vesh ekskluzivisht Gazeta Sinjali polici ndaj të cilit është shtënë është: Denis Shala.
Ky i fundit, dyshohet se është gjuajtur nga i dyshuari Ermal Manaj, siç merr vesh ekskluzivisht Gazeta Sinjali nga burimet e saja.
Ermal Manaj, është djali i Dardan Manaj, i cili të shtunën u përfshi në një rast të sulmit në qytetin e Pejës, ngjarje për të cilën raportoi ekskluzivisht Gazeta Sinjali.
Ndryshe, i dyshuari për gjuajtjen ndaj policit është arrestuar, njofton Policia e Pejës.
“Rreth orёs 18:25, ёshtё arritur te arrestohet i dyshuari i këtij rasti, ёshtё sekuestruar arma e cila dyshohet qё ёshtё përdor nё rast, poashtu ёshtё sekuestruar edhe vetura e cila ёshtё përdorur nё rast”, thuhet në njoftimin e Policisë.
“Tё gjitha veprimet janё marrё ne koordinim me Prokurorin e shtetit, i dyshuari pas intervistimit me vendim te Prokurorit tё shëtit ёshtё dёrguar nё mbajtje pёr 48-orё”.
Rasti cilësohet “Vrasje e Rёndё nё Tentativë” dhe “Mbajtje nё Pronësi, Kontroll ose Posedim i Paautorizuar i Armëve”.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.