Një ngjarje e rëndë ka ndodhur dje në Drenas, ku si pasojë e një aksidenti të rëndë mes një veture dhe një motoçiklete, një person ka humbur jetën, raporton Gazeta Sinjali.
Lidhur me këtë, Sinjali ka mësuar se viktima e këtij aksidenti është Aldion Mulaj, i cili ishte në motoçikletë.
Sinjali mëson ekskluzivisht se i dyshuari për aksidentin me fatalitet është Alfred Hamza, nga fshati Shtuticë e Drenasit.
Lajmin e kanë konfirmuar edhe nga Policia e Kosovës
“Sot rreth orës 15:00 kemi pranuar informatën se në fshatin Terstenik të Drenasit, ka ndodhur një aksident trafiku me pasoja fatale. Në këtë aksident, kanë qenë të përfshira, një motoçikletë dhe një automjet. Si pasojë e aksidentit, lëndime trupore kanë pësuar dy personat që ishin në motoçikletë, njëri prej të cilëve nuk ka arritë të përballojë plagët dhe i njëjti ka ndërruar jetë“, thuhet në konfirmim.
Ndërsa, Policia ka nisur hetimet për zbardhjen e rrethanave që kanë quar deri te ky aksident trafiku.