Policia e Kosovës ka arrestuar një 23-vjeçar në Fushë Kosovë, i cili ishte shpallur në kërkim për shkak të një dënimi të formës së prerë me tri vjet burgim për veprën penale “Rrezikim i trafikut publik”, raporton Gazeta Sinjali.
Siç merr vesh Gazeta Sinjali i arrestuari është Bleon Sejdiu, i cili kishte Urdhëresë për arrestim.
Sejdiu akuzohen nga Prokuroria e Mitrovicës se në tetor të vitit 2020 ishin përfshirë në një aksident në rrugën rajonale Mitrovicë – Pejë, përkatësisht në fshatin Runik, duke shkelur ligjin për komunikacion.
Ai ishte dënuar, por kishte tentuar t’i ikën drejtësisë.
Pas verifikimit nga Policia, i arrestuar është shoqëruar në Qendrën e Paraburgimit në Hajvali, ku do të vuajë dënimin e shqiptuar nga gjykata.