Gazeta Sinjali raportoi sot ekskluzivisht për një aksion policor të zhvilluar mbrëmë pas mesnate nga Policia në Prizren, që kishte cak një lokal ku dyshohej se ushtrohej veprimtari e kundërligjshme e bixhozit dhe organizimit të skemave piramidale. 18 persona përfunduan në prangat e Policisë dhe të njëjtit tashmë janë dërguar në mbajtje.
Sinjali ka siguruar listën e plotë, me emrat e të gjithë të dyshuarve – që u kapën në flagrancë nga Policia.
Aksioni është kryer nga patrullat e stacionit policor në Prizren, ku në vendin e ngjarjes kanë kryer ekzaminimet e nevojshme, raporton Sinjali.
Pas përfundimit të procedurave policore, Prokurori i Shtetit ka urdhëruar masën e ndalimit policor ndaj 18 të dyshuarve.
Sinjali do të iu mbajë të informuar me detajet e reja.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.