Qytetarët jo gjithmonë e shohin diskutimin si zgjidhje për konfliktet e mosmarrëveshjet e ndryshme, andaj shpesh herë ato përfundojnë me përleshje fizike. Një rast i tillë ka ndodhur edhe dje në Ferizaj, me ç’rast gjashtë persona kanë rënë në prangat e Policisë, raporton Gazeta Sinjali.
Bazuar në informacionet e para, gjashtë persona të gjinisë mashkullore janë përleshur fizikisht mes vete, për shkak të një mosmarrëveshjeje që kanë pasur paraprakisht.
Sinjali mëson se personat e dyshuar për këtë rast janë: Salih Thaqi, Amir Thaqi, Elbasan Kelmendi, Afrim Thaqi, Etnik Ibrahimi dhe Agron Ibrahimi.
Ata fillimisht janë arrestuar nga Policia, ndërkaq me vendim të Prokurorit, pas intervistimit janë dërguar në mbajtje.
Lajmi për arrestimin e tyre është konfirmuar edhe nga Policia e Kosovës.