Një ngjarje e pazakontë është raportuar në fshatin Cerrmjan të Gjakovës, ku një qytetar ka denoncuar se persona ende të paidentifikuar kanë hyrë në shtëpinë e tij dhe kanë shkaktuar dëme të pazakonta në brendësi të objektit.
Sipas informacioneve të para, ankuesi ka deklaruar para Policisë se personat e panjohur kanë hyrë në dhomën e tij të gjumit dhe më pas kanë hedhur orenditë nga kati i dytë i shtëpisë në tokë.
Rrethanat dhe motivet e këtij veprimi mbeten të paqarta, ndërsa autorët nuk janë identifikuar ende.
Policia ka nisur hetimet për zbardhjen e plotë të rastit dhe identifikimin e personave të përfshirë.
Sinjali – aty ku e vërteta flet para lajmit!
