Një vjedhje e rëndë është raportuar në orët e para të mëngjesit në Gjilan, ku cak i hajdutëve ka qenë një veturë luksoze e parkuar në oborrin e një shtëpie.
Burimet e Gazetës Sinjali bëjnë me dije se G. Sh., rreth 38-vjeçar ka njoftuar Policinë se kur ka dalë nga shtëpia rreth orës 00:45, ka vërejtur se vetura e tij nuk ndodhej më në vendin ku e kishte lënë të parkuar.
Sipas denoncimit, persona ende të paidentifikuar dyshohet se kanë hyrë në oborr dhe kanë vjedhur veturën e tipit Mercedes, me targa 06-164-HC, e cila sipas pronarit ka vlerë prej 22 deri në 25 mijë euro.
Por dëmi nuk përfundon me kaq.
Sinjali mëson se brenda automjetit ndodheshin edhe 5 mijë euro para të gatshme, të cilat ishin të vendosura në një çantë dore dhe janë marrë bashkë me veturën.
Për rastin është njoftuar Prokurorja kujdestare, e cila ka urdhëruar inicimin e veprës penale “Vjedhje e rëndë”, ndërsa hetimet janë marrë në dorë nga njësitë kompetente.
Kur doli në oborr, Mercedesi kishte humbur pa gjurmë. Bashkë me të, edhe mijëra euro që pronari i kishte lënë brenda veturës.
Sinjali – aty ku e vërteta flet para lajmit!