Një ngjarje e rëndë dyshohet të ketë ndodhur sot në Liqenin e Batllavës, ku një person dyshohet se është mbytur në ujë.
Siç mëson Sinjali nga burimet e veta, viktima dyshohet të jetë shtetas i huaj, ndërsa ende nuk janë bërë të ditura rrethanat e plota të rastit.
Pas raportimit për personin e zhdukur në ujë, në vendin e ngjarjes kanë dalë njësitet policore, ekipet e kërkim-shpëtimit dhe personat përgjegjës për ndërhyrje në raste të tilla.
Autoritetet kanë nisur kërkimet për gjetjen e personit, ndërsa po punojnë për zbardhjen e rrethanave që çuan në këtë ngjarje.
Deri në këto momente nuk ka informacione zyrtare për identitetin e personit apo konfirmim përfundimtar për gjendjen e tij.
Sinjali – aty ku e vërteta flet para lajmit!