Gazeta Sinjali mëson ekskluzivisht se më 13 maj 2025, në rrugën “Nora e Hotit” në Prishtinë, është arrestuar Driton Ibishi, rreth 52-vjeçar ndaj të cilit ekzistonte një urdhër arrest aktiv ndërkombëtar, i lëshuar nga ILECU (Njësia për Bashkëpunim Ndërkombëtar në Zbatim të Ligjit).
Burimet e Sinjalit konfirmojnë se Ibishi tashmë është prangosur dhe për këtë është vënë në dijeni prokurori kompetent.
Siç mëson Sinjali, Driton Ibishi dyshohet për përfshirje në veprën penale “Trafikim me narkotikë”, për të cilën kërkohej nga autoritetet përkatëse.
Pritet që pas procedurave të para, rasti t’i kalojë njësive kompetente për procedurat ndërkombëtare, përfshirë komunikimin me autoritetet e huaja.
Kush është Driton Ibishi?
Driton Ibishi nga babai Xhemail, nëna Shingjile lindur më 03.04.1973 në Shkup ku dhe jeton në rrugën “Smilevska” nr. 10/A Gjorçe Petrov.
Kërkohej pas shpalljes së fletëarrestit ndërkombëtar nga PTHP për Krim të Organizuar dhe Korrupsion me urdhër KO NR.15/24 nga 30.01.2024. Personi është nën hetim për kryerjen e veprave penale sipas nenit 215 paragrafi 3 (tregti me drogë) nga Kodi Penal i RMV-së.
Gazeta Sinjali do të vazhdojë ta ndjekë rastin dhe të sjellë detaje të tjera për këtë arrestim me peshë.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.