Një konflikt verbal mes disa të rinjve eskaloi javën që shkoi në Gjilan dhe për pasojë tash janë ndaluar tre persona, raporton Gazeta Sinjali.

Dy personat e fundit janë arrestuar dje nga Policia, pasi dyshohen se e sulmuan një 19 vjeçar.

Gazeta Sinjali mëson ekskluzivisht se të dyshuarit që lidhen me rastin janë: Don Zuzaku dhe Shkëlqim Krasniqi.

Para këtyre në polici siç ka raportuar po ashtu ekskluzivisht Gazeta Sinjali, është dorëzuar Lenard Ukshini, rreth 25-vjeçar.

Ky i fundit po hetohet për veprën penale “Vrasje në tentativë”, pasi dyshohet se e sulmoi fizikisht me një shkop viktimën.

Ukshini u përfshi në përleshje me viktimën, një 19-vjeçar, pas një konflikti që dyshohet se ka pasur me të për shkak të xhelozisë mes tyre.

Për pasojë, pas fjalosjes, ai e ka goditur me shkop druri viktimën, duke i shkaktuar lëndime trupore.

Arrestimet e të dyshuarve i ka konfirmuar edhe policia e Gjilanit.

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/