Ekipi Alma ka triumfuar në konkurrencën e femrave në turneun 3×3, garë e organizuar nga Federata e Basketbollit e Kosovës (FBK), transmeton Sinjali Sport.

Gara po zhvillohen në konkurrencën e meshkujve dhe atë të femrave.

Në finalen e femrave, Alma ka mundur ekipin 3×3 Prishtina me rezultat 19:13.

Ndeshja finale ishte mjaft e bukur dhe atraktive, kurse në fund festoi ekipi Alma, që përbëhej nga Arbnore Përquku, Saranda Daci, Diedona Halitaj dhe Marigona Rushiti.

Skuadra fituese do ta përfaqësojë Kosovën në garën e FIBA-s në 3×3, që muajin e ardhshëm do të zhvillohet në Rumani. /Gazeta Sinjali Sporti/