Spektakli i njohur Big Brother VIP Albania është përfshirë në një skandal të madh, pasi një problem i papritur në sistemin e rezervimit të biletave ka ngjallur zemërim të gjerë tek fansat, sidomos tek ata kosovarë.
Përdoruesit nga Kosova që kanë tentuar të blejnë bileta për netët e spektaklit “Prime” janë përballur me një kërkesë skandaloze: ata janë të detyruar të regjistrojnë rajonin e Serbisë për të përfunduar pagesën.
Ky veprim ka shkaktuar një valë reagimesh të ashpra në rrjetin social ‘X’, ku shumë fansa kanë shprehur pakënaqësinë dhe indinjatën e tyre për këtë trajtim të papranueshëm.
Disa e konsiderojnë këtë si një gabim teknik, por të tjerë e shohin si një sjellje të papërgjegjshme nga ana e organizatorëve të spektaklit.
Pas këtyre ngjarjeve, nuk ka ende një reagim zyrtar nga produksioni, duke e lënë këtë çështje të pasqaruar dhe të shpërndarë përmes polemikave të shumta online.