Gjatë ditës së martë, në Pejë, në një shkollë fillore u kremtua Festa e Abetarës.
Teksa të gjithë nxënësit luanin e festonin së bashku, dhjetë nxënës të pakicave nuk u lanë të festonin me bashkëmoshatarët e tyre, mirëpo ata u ulën të ndarë.
Nxënësit thonë se do donin të ishin më në qendër.
“Po kemi pas qef, po këtu na tha mësuesja, këtu u ulëm me shoqëri”, tha njëra nga nxënëset, pjesëtare e komunitetit RAE.
Në anën tjetër, mësuesja e tyre, Xhylfidane Morina, deklaroi se kjo nuk ka të bëjë me diskriminim dhe se ishte veç një rastësi. Po ashtu e njëjta tha se kjo ishte dhe dëshirë e nxënësve.
“Patën vetë dëshirë me u ulë këtu, pa asnjë qëllim tjetër. Ishte vetëm dëshira e tyre pasi hapësira ishte më e madhe”, tha mësuesja Xhylfidane.