Një grua dyshohet se dje është dhunuar seksualisht nga një person në Ferizaj, raporton Gazeta Sinjali.
Rasti është konfirmuar nga Policia e Kosovës përmes raportit 24 orësh ku bëhet e ditur se personi i dyshuar është arrestuar.
“Ferizaj 26.07.2022-NN. Është arrestuar i dyshuari mashkull kosovar pasi që i njëjti ka kryer veprën e lartëcekur ndaj viktimës femër kosovare”, thuhet në raportin policor.
Pas arrestimit i dyshuari është shoqëruar në stacion policor për intervistim e ku më pas me urdhër të prokurorit atij i është caktuar masa e ndalimit në kohëzgjatje prej 48 orësh.
I njëjti do të hetohet nën dyshimet se ka kryer veprën penale ‘Dhunim’.