Rregullat e komunikacionit shpeshherë shkelen nga qytetarët të cilët në shumicën e rasteve gjobiten nga policët e Kosovës, shkruan Gazeta Sinjali.
Ndonëse zyrtarët policorë janë të thirrur për monitorimin e këtyre rregullave, në disa raste po janë vetë ata të cilët shkelin këto rregulla.
Në një video të dërguar nga një sinjalizues në adresë të Gazetës Sinjali, shihet vetura e policisë duke tejkaluar në vijë të plotë kështu duke rrezikuar jetën e pjesëmarrësve në trafik.
Theksojmë se shkelja e rregullave të komunikacionit nga ana e zyrtarëve policor arsyetohet në rastet kur e kanë të lëshuar rotacionin si shenjë për të lajmëruar se janë me urgjencë, një gjë e tillë nuk shihet të ketë ndodhur në videon e publikuar.
Sipas sinjalizuesit, ngjarja ka ndodhur sot në rrugën Kmetoc afër Banjës së Dobëranit në komunën e Gjilanit.