Një rast i sulmit seksual ndaj një të miture është raportuar në Gjakovë, mëson ekskluzivisht Gazeta Sinjali.
Sipas burimeve të Sinjalit, rasti ka ndodhur më 26 qershor, rreth orës 14:35, në lumin Erenik.
Për shkak të moshës së viktimës dhe natyrës së ndjeshme të rastit, Gazeta Sinjali nuk publikon detaje që mund të çojnë në identifikimin e saj.
Burimet bëjnë të ditur se ankuesja ka deklaruar se derisa vajza e saj po lahej në lumë, i dyshuari dyshohet se e ka prekur pa dëshirën e saj dhe gjatë qëndrimit aty ka bërë gjeste të pahijshme.
E mitura është dëgjuar nga Policia në prani të zyrtarëve të Qendrës për Punë Sociale, ku ka deklaruar për veprimet e dyshuara të të dyshuarit.
Për rastin janë njoftuar hetuesit rajonalë, ndërsa pas konsultimit me Prokurorin kujdestar, rasti është iniciuar si “Sulm seksual”.
Hetimet janë në vazhdim.
Sinjali – aty ku e vërteta flet para lajmit!