Një ngjarje e rëndë është shënuar ditën e sotme ku një person dyshohet se ka humbur jetën në rrethana të dyshimta në Klinikën Infektive në QKUK.
Siç mëson Sinjali, bëhet fjalë për viktimën Albert Karaxha, i cili po trajtohej në QKUK.
Familja po dyshon se i ndjeri nuk kishte marrë trajtimin e duhur nga stafi mjekësor, çka ka bërë që ata të denoncojnë rastin në Polici.
Policia ka intervistuar bashkëshorten e tij dhe mjekun kujdestar, ndërkohë që trupi është dërguar në IML, ku është kryer obduksioni.
Policia tashmë ka ndërmarrë veprimet e nevojshme dhe me urdhër të Prokurorit të Shtetit, rasti është iniciuar si ‘Hetim i vdekjes’.
Të ndjerit do t’i jepet lamtumira e fundit nesër, në varrezat e Dragodanit.
