Një person ka humbur jetën në Spitalin Rajonal të Pejës, si pasojë e plagëve të marra pasi dyshohet se u godit qëllimisht nga një veturë në Pejë, raporton Gazeta Sinjali.
Lajmin e ka konfirmuar për Sinjalin edhe Policia Rajonale në Pejë, me ç’rast u bë e ditur se shoferi i dyshuar ka ikur nga vendi i ngjarjes.
Sinjali mëson se viktima është Ilir Osmani dhe se ekipi mjekësor e ka konstatuar vdekjen e tij.
Nga Policia njoftuan se i dyshuari është në kërkim.
“Sot rreth orës 17:30, Policia është njoftuar për një rast që ka ndodhur në rrugën “Agim Çelaj. Një person është goditur nga një veturë dhe është dërguar në spital, por nuk ka arritur t’i përballojë plagët dhe ka ndërruar jetë. Ekipi mjekësor e ka konstatuar vdekjen. Sipas dyshimeve të para, personi është goditur qëllimisht, kurse i dyshuari ka ikur nga vendi i ngjarjes.”