Gazeta Sinjali raportoi pak më parë për të shtëna me armë zjarri në Podujevë, ku për pasojë një person ka mbetur i vrarë. Sipas informacioneve që ka Sinjali edhe një person tjetër ka mbetur i plagosur nga ky incident me armë.
Sinjalizuesit e Sinjalit kanë bërë me dije se bëhet fjalë për një grua, e cila ka pësuar lëndime pasi u qëllua me armë.
Në vendin e ngjarjes kanë arritur ekipi mjekësor dhe njësitet policore ku po kryhen ekzaminimet e nevojshme.
Sinjali ka kontaktuar edhe komandantin e Policisë në Podujevë, por i njëjti ka refuzuar të përgjigjet, duke e ndalur telefonin.
Sinjali do të iu mbajë të informuar lidhur me detajet e reja.