Shërbimi i Kërkim-Shpëtimit Malor i Kosovës ka bërë të ditur se sot gjatë ditës kanë filluar kërkimet për gjetjen e një alpinisti kosovar që dyshohet se është ngujuar në alpet e Valbonës, raporton Sinjali.

Sipas SHKSHM-së, operacioni ka filluar para gjysmeore, dhe thuhet se ky aksion është mjaft i ndërlikuar.

Në anën tjetër, Top Channel raportoi se alpinisti kosovar ka humbur jetën dhe se ndërhyrja e ekipit të shpëtimit është i pamundur të paktën deri në këto çaste.

Sinjali do t’iu mbajë të informuar për çdo risi nga ky rast.

/GazetaSinjali/