Një i burgosur është gjetur mbrëmë i varur në grilat prapa derës së dhomës së qelisë së tij në Burgun e Dubravës. Bëhet fjalë për të burgosurin me inicialet F. I.

Përmes një komunikate drejtuar mediave, Shërbimi Korrektues i Kosovës ka njoftuar se për këtë rast janë suspenduar dy zyrtarë korrektues dhe menjëherë ka iniciuar procedurën disiplinore, me ç ‘rast   ka ngritur  edhe Komisionin Hetimor për ta hetuar rastin në fjalë.

“Shërbimi Korrektues i Kosovës, njofton opinionin publik se lidhur me vetëvarjen e të burgosurit  F. I, SHKK ka suspenduar  dy zyrtarë korrektues dhe menjëherë ka iniciuar procedurën disiplinore, me ç ‘rast   ka ngritur  edhe Komisionin Hetimor për ta hetuar rastin në fjalë”, thuhet në komunikatë. 

23-vjeçari ka qenë në vuajtje të dënimit për veprën penale “Lëndim i rëndë trupor” dhe siç ka raportuar Sinjali, ai ka qenë i dënuar me dy vite heqje lirie.