Një aksident trafiku ka ndodhur pasditen e së enjtes në rrugën Skenderaj – Klinë, përkatësisht në Llaushë, ku për pasojë dy persona kanë mbetur të lënduar, raporton Gazeta Sinjali.
Në këtë aksident i cili ka ndodhur rreth orës 17:00, janë përfshirë dy vetura dhe një kamion.
Sinjali ka publikuar fotografi nga vendi i ngjarjes, ku shihet se njëra nga veturat e aksidentuara ka pësuar dëme të konsiderueshme materiale.
Ndërkaq, lajmi është konfirmuar edhe nga Policia e Kosovës.
“Aksident trafiku me lëndime i shkaktuar rreth orës 17:00 në rrugën rajonale Skenderaj- Klinë, zona në fshatin Llaushë . Në aksident janë përfshirë një kamion dhe dy vetura, ndërsa lëndime kanë pësuar dy persona”, ka thënë zëdhënësi i Policisë për rajonin e Mitrovicës, Avni Zahiti.