Estonia dhe Rumania janë vendet e radhës së BE-së që i ndalojnë linjat e fluturimeve ruse në hapësirat e tyre ajrore, kanë njoftuar shtetet e lartpërmendura.

“Ne ftojmë të gjitha vendet e BE-së të bëjnë të njëjtën gjë. Në qiejt demokratik nuk ka vend për aeroplanët e shtetit agresorë. #StandWithUkraine”, shkroi të shtunën në Twitter kryeministrja e Estonisë, Kaja Kallas.

“Sulmi provokator dhe i pajustifikuar i Rusisë ndaj Ukrainës sjell pasoja të rënda”, shkroi në Twitter delegacioni rumun në NATO.

Kujtojmë që edhe Mbretëria e Bashkuar, Polonia, Moldavia dhe Republika Çeke mbyllën më parë hapësirën e tyre ajrore për linjat ajrore ruse pas sulmit të saj në Ukrainë.

/GazetaSinjali/