Dy punëtorë të ndërtimtarisë kanë humbur jetën në Gjakovë.
Lajmin për Gazeta Sinjali e ka konfirmuar zëdhënësi i policisë për rajonin e Gjakovës, Sheremet Elezaj.
“Sot rreth orës 08:15, jemi njoftuar se dy persona (meshkuj të moshës madhore) janë dërguar për trajtim mjekësor në Spitalin Rajonal në Gjakovë, dyshohet si pasojë e lëndimeve të pësuar në vendin e punës, në rrugën “Bardhyl Qaushi ” në Gjakovë. Më pas është konfirmuar edhe vdekja e tyre. Njësitë relevante të Policisë kanë dalë menjëherë në vendin e ngjarjes dhe janë duke ndërmarr veprime hetimore me qëllim të sqarimit të plotë të rrethanave të rastit”, tha Elezaj për Sinjalin.
Sinjali ka mësuar identitetin e tyre, por për shkak të ndjeshmërisë së rastit dhe mundësisë që familjarët ende të mos jenë njoftuar zyrtarisht, kemi vendosur të mos i publikojmë emrat në këtë fazë.
Sinjali – aty ku e vërteta flet para lajmit!