Numri i të infektuarve me koronavirus në Kosovë ka arritur në 5 mijë e 118, shkruan Gazeta Sinjali.
Megjithatë dy komuna të Kosovës nuk janë prekur ende nga virusi COVID-19.
Ranillugu dhe Novobërda nuk kanë regjistruar ende asnjë rast pozitiv me koronavirus.
Prishtina mbetet komuna më e prekur, me gjithsej 1 mijë 589 raste. Pas saj renditet Komuna e Vushtrrisë me 414 raste dhe Prizreni me 400 raste.
Instituti Kombëtar i Shëndetit Publik ka konfirmuar mbrëmë edhe 214 raste të reja me koronavirus, ndërkohë që janë shëruar edhe 60 persona./Gazeta Sinjali/