image Dukaj takon Escobarin, flasin për forcimin e sistemit të sigurisë kibernetike të Malit të Zi

Rajon

Dukaj takon Escobarin, flasin për forcimin e sistemit të sigurisë kibernetike të Malit të Zi

news image

Ministri i Administratës Publike të Malit të Zi, Marash Dukaj, ka takuar në Departamentin e Shtetit zëvendës ndihmës Sekretarin e Shtetit për Evropë dhe Euroazi dhe të dërguarin special të SHBA-së për Ballkanin Perëndimor, Gabriel Escobar.

Bashkëbiseduesit konfirmuan përkushtimin e vendosur të Malit të Zi në rrugën dhe vlerat evropiane dhe evroatlantike, si dhe shkëmbyen informacione dhe mendime për situatën politike, të sigurisë dhe ekonomike në Ballkanin Perëndimor.

Zëvendës-ndihmësi, Escobar, theksoi mbështetjen e qartë të SHBA-së për procesin e integrimit evropian të Malit të Zi.

Një nga temat kryesore të bisedës ishte eliminimi i pasojave të dëmshme të sulmit kibernetik ndaj të cilit ishte ekspozuar Mali i Zi.

Me këtë rast, në takim u konfirmua gatishmëria e SHBA-së që përmes mbështetjes dhe asistencës së ekspertëve të mbështesë Malin e Zi, si në riparimin e dëmeve, ashtu edhe në një kontekst më të gjerë, duke krijuar një kornizë normative dhe infrastrukturë institucionale për parandalimin e sulmeve të këtij lloji dhe forcimin e sistemit të sigurisë kibernetike të Malit të Zi.

/GazetaSinjali/