Komuna e Ferizajt ka njoftuar se gjatë ditës, më 23, 24 dhe 25 maj 2021 do të bllokohen për qarkullim rrugët “Gursel dhe Bajram Sylejmani” dhe “Besim Rexhepi”, shkruan Gazeta Sinjali.

Sipas njoftimit, më 23 maj nga ora 08:00 deri më 12:00, do të bllokohet qarkullimi në rrugën “Gursel e Bajram Sylemani”, konkretisht në pjesën ku janë duke u zhvilluar punimet e projektit “Ndërtimi i nënkalimit prej rrugës ‘Fehmi Agani’ deri te rruga ‘Limaj Rekaj’”.

Kurse, më 23, 24 dhe 25 maj, nga ora 08:00 deri në 18:00, do të mbyllet për qarkullim rruga “Besim Rexhepi”, konkretisht pjesa ku janë duke u zhvilluar punimet.

Komuna ka njoftuar se arsyeja e mbylljes së përkohshme kë këtyre rrugëve do të bëhet për shkak të përmbylljes së punimeve në projektin  “Ndërtimi i nënkalimit prej rrugës ‘Fehmi Agani’ deri te rruga ‘Liman Rekaj’”,  duke përfshirë edhe punët në sinjalizimin horizontal.

“Kërkojmë nga ana e qytetarëve që të kenë mirëkuptim dhe ti shfrytëzojnë rrugët alternative, kurse nga Policia e Ferizajt kërkojmë që në këto ditë me një intensitet më të shtuar të policëve të kryejnë mbarëvajtjen dhe sigurinë në trafik”, thuhet më tej në njoftimin e Komunës./Gazeta Sinjali/