Një ngjarje tragjike ka ndodhur sot në bjeshkët e Junikut, ku dy persona kanë humbur jetën dhe akoma nuk dihet shkaktari i vdekjes së tyre, raporton Gazeta Sinjali.
Siç mëson Sinjali, viktimat janë Mic Tofaj, pronar i fabrikës së ujit “Juniku” dhe bashkëshortja e tij.
Edhe familjarët e tyre kanë shkruar në rrjete sociale për këtë rast të rëndë.
Lajmin për vdekjen e tyre e kanë konfirmuar për Sinjalin nga Prokuroria Themelore në Pejë, me ç’rast është bërë e ditur se Prokurori i Krimeve të Rënda tashmë ka dalë në vendin e ngjarjes.
Edhe njësitë përkatëse të Policisë tashmë kanë intervenuar dhe akoma nuk dihen rrethanat e rastit.
Gazeta Sinjali ka tentuar të marrë një përgjigje edhe nga Policia, por akoma nuk kanë dhënë një konfirmim zyrtar.
Sinjali do të iu mbajë të informuar me detajet e reja.