Të gjithë kanë dëgjuar për Dumbo: elefantin vizatimor, veshët e të cilit ishin aq të mëdhenj, saqë u tall nga bashkëmoshatarët e tij dhe u detyrua të kryente marifete mizore në cirk.
Ai nuk është më kafsha e vetme që ka arritur famë.
Njihuni me Simba – dhinë kec nga Karaçi, Pakistan, dy veshët e të cilit janë 54 cm secili, shkruan BBC.
Mbarështori i Simbas, Mohammad Hasan Narejo, i tha agjencisë së lajmeve AFP se ai madje i ishte afruar Rekordeve Botërore të Guinness.
Aktualisht nuk duket se ekziston asnjë kategori për “dhinë me veshët më të gjatë”, kështu që është e paqartë nëse veshët e Simba-s janë me të vërtetë rekord.
Veshët më të gjatë në botë apo jo, kecja është bërë tashmë një personazh i famshëm i rrjeteve sociale në Pakistan, pasi fotot e veshëve të saj të mrekullueshëm filluan të qarkullojnë.
