Tre persona kanë mbetur të lënduar nga aksidenti në rrugën “Agim Ramadani”, ku janë përfshirë një kamion dhe nëntë vetura.

Valdrin Berisha, dëshmitar i rastit tha se në mesin e të lënduarve është një punëtor i kompanisë “Pastrimi” që ka qenë në ulësen e mbrapme të kamionit si dhe një grua që ndodhej në njërën nga veturat e përfshira në aksident.

“Ky kamioni ka ardhë prej rrugës nalt qysh është, dmth janë mundu këta.. dy shoferat janë kanë në shpejtësi po e kom pa që s’kanë mund me frenu hiç. Për fat këtu u kanë rruga çelë edhe ska pasë këmbësorë as sen edhe qai kerri u kanë qatje ndalun, u rrok qaty po këta shoferat s’kanë mujt hiç. E kom pa me sy të mi që janë kanë kejt të kthjellët e sene. Të lënduar ka pasë me sa e di, dy persona. U kanë ai punëtori që u kanë i lidhun përmas. Ai u kan i shtrimë në tokë se u ra me kry edhe qikjo vetura u kanë një grua por tjerë jo. Ambulanca u kanë shumë shpejt këtu për 2-3 minuta, Policia nja 15 minuta”, ka thënë ai.