David Cufaj, është dënuar me 17 vjet burg, nën akuzat se ishte pjesë e një grupi kontrabandues të drogës.

Cufaj, ishte arrestuar në vitin 2017 me dyshimin se ishte anëtar i një grupi që kishte kontrabanduar dy tonë kokainë, por në mungesë të provave u la i lirë në fund të atij viti.

27-vjeçari akuzohet për financimin e një dërgesë prej dy tonë kokainë nga Peru në Belgjikë. Droga ishte e fshehur në kanaçe dhe dërgesa është zbuluar në 11 Janar 2017.

David Cufaj, ka lindur në Kosovë, por është rritur në Sarajevë. Ai ishte edhe praktikues i boksit. Para disa viteve u largua nga sporti dhe u transferua jashtë vendit, në Holandë dhe prej andej në Peru./Gazeta Sinjali/