Kandidati për deputet i koalicionit AAK-PSD, Daut Haradinaj, e ka komentuar thirrjen e vëllait të tij, Ramush Haradinajt, nga Gjykata Speciale gjatë kohës kur ai po qeveriste vendin.

Haradinaj e lidh thirrjen e kryeministrit, tash në detyrë, nga Haga, me këmbënguljen e tij që të mos e heq tarifën që Qeveria ia ka vënë mallrave serbe.

Sipas Daut Haradinajt, nëse kryeministri do ta hiqte taksën, ai nuk do të ftohej për intervistim nga Dhomat e Specializuara.

“Ta kish hequr taksën, nuk ish ftua në Gjykatë Speciale. Jam 100 për qind i sigurt” , tha Haradinaj.

Tutje, ai thotë se vëllai i tij nuk është thirru për t’u akuzuar në bazë personale, por si komandant i UÇK-së në zonën e Dukagjinit.