Horoskopi i datës 27 gusht 2022 nga Christine Haas
Dashi
Herë pas here do jeni në ankth sot, megjithatë do mundoheni të jepni gjithçka nga vetja për ta ndryshuar situatën. Ju të dashuruarit do jeni më të përkujdesur për partnerin tuaj dhe do kaloni më tepër çaste romantike me të. Në disa momente atmosfera do ngrohet aq shumë saqë do ju duket edhe vetë sikur jeni në ëndërr. Ju beqarët mirë është të mos tregoheni impulsivë sepse mund të bëni gabime me pasoja të rënda për të ardhmen. Në punë do ju pëlqejnë shumë sfidat dhe do keni një ditë të vrullshme. Financat duhen mbajtur gjithë kohës nën kontroll që të mos lindin probleme as më vonë.
Demi
Dëshira e papërmbajtshme për pavarësi do ju sjellë goxha probleme sot. Për ju të dashuruarit kjo ditë do jetë shumë e turbullt. Nuk do ndiheni aspak mirë në disa momente dhe do mërziteni me atë që keni në krah. Ju beqarët do jeni të palogjikshëm dhe ka mundësi të hidhni hapa të pamenduara aspak. Në punë, marrëdhënia më eprorët nuk do jetë ashtu si duhet. Ju nuk do ua vini veshin atyre që ata do ju thonë dhe kjo do e nxehë atmosferën. Në planin financiar gjendja do jetë normale. Po vazhduat të reflektoni gjithmonë para se të shpenzoni nuk do keni asnjë problem.
Binjakët
Më në fund sot gjërat do ju ecin mirë dhe do ndiheni më të qetë. Të gjitha përpjekjet e bëra do japin frytet e tyre. Ju të dashuruarit do jeni gjithë kohës me humor të mirë dhe të gatshëm për të bërë gjëra të jashtëzakonshme me atë që keni në krah. Surprizat nuk do mungojnë në disa momente. Ju beqarët do jeni gjithashtu në humor të mirë dhe të gatshëm për të provuar eksperienca të reja. Në punë do jepni më të mirën e vetes për të arritur atë që doni. Sigurisht që asgjë nuk do jetë e lehtë, por as e pamundur. Në planin financiar do jeni me fat dhe nuk do jetë problem edhe po kryet disa shpenzime me tepër.
Gaforrja
Nuk do reflektoni aq sa duhet gjatë kësaj dite dhe ndonjëherë mund te bëni disa gabime te rënda. Për ju të dashuruarit e sotmja do jetë pasive. Herë pas here edhe mund të mërziteni dhe do doni të bëni diçka ndryshe. Ju beqarët nuk do doni të bëni aspak ndryshime sepse edhe ashtu si jeni ndihen për mrekulli. Në punë, sado të jeni kryelartë, mirë është t’ua vini veshin kolegëve. Ata diçka dinë që ju sugjerojnë të ndryshoni rrugën për të arritur atje ku doni. Nuk do jeni aspak serioze me menaxhimin e financave dhe gjendja ka rrezik të përkeqësohet edhe më tepër. Asgjë nuk do jetë më si më parë.
Luani
Sot nuk do i bëni gjërat si duhet dhe mund të keni disa probleme. Ju të dashuruarit nuk do keni durimin e duhur për ta dëgjuar partnerin tuaj dhe kjo do nxitë herë pas here debate dhe probleme. Ju beqarët do keni një ditë të mbushur me aventura dhe emocione. Do bëni mirë ta shfrytëzoni në maksimum sepse nuk do ketë më të tilla ditë. Në punë vetëm duke punuar në grup mund të arrini në kohë atje ku keni dashur. Po vendosët të bëni çdo gjë vetë mund të mbeteni mbrapa. Financat do jenë të kënaqshme kështu që përfitoni nga momenti për të bërë edhe ndonjë investim më shumë.
Virgjëresha
Të gjithë sektorët e jetës tuaj do pësojnë ndryshime të mëdha sot. Nëse keni një lidhje, marrëdhënia juaj me partnerin do përmirësohet tej mase. Do i shihni gjërat me një sy tjetër dhe do jeni shumë më optimistë. Ju beqarët do merrni shumë ftesa, por asnjeri nuk do mund t’ua ndryshojë mendjen për të filluar një lidhje. Në punë do jeni goxha më të motivuar e do keni ide brilante. Për ju tashmë asgjë nuk do jete e vështirë. Do ndiheni si të përhumbur në sektorin e financave sepse gjendja me të vërtetë që do jetë goxha problematike dhe delikate.
Peshorja
Duhet të jeni më të disponueshëm për të bërë gjëra të reja gjatë kësaj dite në mënyrë që të riorganizoni gjithçka. Ju të dashuruarit edhe pse në një lidhje do ndiheni shumë vetëm. Nuk do e ndieni aspak ngrohtësinë e dikurshme të partnerit. Ju beqarët duhet të tregoheni më të matur dhe më të kujdesshëm sepse jo të gjithë personat që do iu joshin do jenë ashtu si duken në pamje të parë. Në punë nuk do duroni të keni pranë askënd dhe do doni ta realizoni çdo gjë vetë. Gjërat do jenë paksa të vështira, por ju nuk do ndaleni asnjë çast. Në planin financiar bëjini me kujdes llogaritë në mënyrë që në një moment mos mbeteni keq.
Akrepi
Mos u alarmoni për gjërat më të vogla sot sepse keni për të vuajtur vetë më shumë. Nëse keni një lidhje, jeta juaj do vazhdojë të jetë e fortë dhe askush nuk do mundet dot t’ua prishë harmoninë apo qetësinë. Ju beqarët do ndiheni më të lirë të bëni atë që doni dhe gjithë kohës do joshni persona të ndryshëm. Do ndihen mirë, por ende nuk do arrini ta gjeni princin e kaltër. Në punë reflektoni gjerë e gjatë para se të vazhdoni me detyrën që iu është dhënë, Po bëtë fillimisht plane, do e keni më të lehtë më pas. Për financat ka për të qenë ditë goxha delikate dhe e trazuar. Kujdesuni sa më shumë sepse përndryshe do vuani.
Shigjetari
Disa planetë do mundohen t’ua trazojnë jetën gjatë kësaj dite kështu që duhet të tregoheni më të vëmendshëm. Nëse keni një lidhje mos prisni që vetëm partneri t’iu përkushtohet dhe ju të prisni vetëm prej tij. Po nuk dhatë mos mendoni se do merrni. Ju beqarët do jeni si në ajër dhe aspak gati për të bërë përpjekje e për ta ndryshuar statusin tuaj. Në punë do iu jepet një detyrë e re që do kërkojë shumë energji dhe vendosmëri. Tregojuni të gjithëve se kur i vini vetes qëllim arrini përherë ku doni. Në planin financiar për fat të mire nuk do keni asnjë lloj problemi. Miqtë e ngushtë do ju ndihmojnë t’i menaxhoni me kujdes paratë që keni.
Bricjapi
Sa më shtruar t’i merrni gjërat gjatë kësaj dite aq më të fituar do jeni. Nëse keni një lidhje, jeta juaj do influencohet më së miri. Do keni një komunikim të adhurueshëm me partnerin dhe buzëqeshja nuk do ju largohet asnjë çast nga fytyra. Edhe sytë do kenë shkëlqim magjepsës. Ju beqarët më mirë të bëni edhe pak durim në mënyrë që të gjeni personin më të përshtatshëm. Nëse në punë ka kohë që ju kanë dalë disa pengesa, mundohuni të flisni me kolegët e besuar dhe së bashku do gjeni zgjidhjet më të mira. Në planin financiar përgatituni për një surprizë gjigande.
Ujori
Venusi dhe Marsi do iu shtojnë edhe më shumë dëshirën për të ndryshuar ritmin e përditshëm. As që do e vrisni më mendjes se çfarë do thonë të tjerët. Nëse keni një lidhje do jeni ju që do bëni gjëra të çmendura dhe që do e mbani gjatë gjithë kohës ndezur atmosferën. Kënaqësitë në çdo moment do jenë të papërshkrueshme. Ju beqarëve shumë gjëra do ju ndodhin si me magji. E rëndësishme është që ju në çdo moment do ndiheni mirë. Në punë çdo gjë do ju ecë më së miri. Do jeni kompetentë, të duruar dhe mjaft të frymëzuar. Në planin financiar dëgjojini me kujdes këshillat e miqve specialistë sepse do iu nevojiten.
Peshqit
Gjatë kësaj dite do bëni atë që dëshironi dhe nuk do e kufizoni veten për asgjë. Ju të dashuruarit do i keni idetë më të qarta dhe do merrni edhe disa vendime përfundimtare. Keni për ta parë se shumë shpejt do merrni frymë më lirisht. Ju beqarët nuk duhet të jeni posesivë dhe nuk duhet të nxitoheni sepse keni për t’i vuajtur gjatë pasojat. Në punë, një i afërm do ju ndihmojë të bëheni edhe më të njohur e të keni rezultate të shkëlqyera. Do ndiqni strategji të veçanta për të arritur majat. Yjet do ju ndihmojë t’i menaxhoni më mirë të ardhurat tuaja dhe do e mbani gjithë kohës situatën nën kontroll.
