Antonio Conte ka deklaruar se qëndrimi i Harry Kane nuk është “normal” pasi sulmuesi regjistroi asistimin e tij të 20-të në 64 paraqitjet e tij të fundit në Premier League gjatë një fitoreje 5-1 ndaj Newcastles të dielën, transmeton Sinjali Sport.
Sulmuesi anglez ka rritur prezencën në lojën e tij në sezonet e fundit dhe aftësitë e tij të plota i kanë bërë përshtypje Conte këtë sezon.
Conte e vuri në dukje Kane si një shembull për pjesën tjetër të skuadrës së Spurs për t’u ndjekur ndërsa ata përpiqen të mposhtin Arsenalin në katërshen e parë.
“Performanca e [Kane] ishte e mahnitshme”, tha Conte për Sky Sports. I thashë atij në fund të lojës se ishte turp që nuk shënoi. Të kesh këtë lloj lojtari në ekipin tënd të bën të fortë. Është e rëndësishme që bashkëlojtarët e tij të dinë që Kane është në ekipin tonë. Ne e dimë se ai mund të shënojë dhe të krijojë.
Italiani ka theksuar se ai e admiron anglezin edhe si një person.
“Para së gjithash, mua më pëlqen personi. Po flasim për një lojtar të talentuar. Shumë herë lojtarët me talent të madh nuk duan të punojnë shumë. Jo se duan të punojnë më pak, por ndonjëherë mund të jenë dembel. Ai ishte shembull nga dita e parë që mbërrita këtu. Mund të mendoni se kjo është normale, por nuk është normale. Është një shembull i madh për shokët e tij të skuadrës dhe ju e shihni dëshirën e tij për të qenë konkurrues.”
Duke folur për BBC, Conte përfundoi: “Ai duhet të vazhdojë në këtë mënyrë. Ne po flasim për një sulmues të klasit botëror. Ai po kënaqet duke luajtur në këtë mënyrë.”
Që nga ndeshja e parë e Antonio Contes në ligë në krye të Tottenhamit në nëntor, vetëm Liverpool dhe Manchester City (të dy 50) kanë fituar më shumë pikë në Premier League se Spurs (39).
Si rezultat, perspektiva e Contes është bërë shumë më pozitive se sa ishte disa muaj më parë, kur ai sugjeroi se do të largohej nga klubi nëse vazhdonin paraqitjet e dobëta.
