Dua Lipa ka takuar një nga emrat më të njohur të muzikës botërore. Bëhet fjalë për Michael Jagger, i njohur me emrin e artit si Mick Jagger, vokalisti kryesor dhe një nga themeluesit e Rolling Stones. Këngëtarja 27 vjeçare ndau disa momente në Instagram me legjendën e Rolling Stone.
Është raportuar se The Rolling Stones do të publikonin albumin e ri vitin e ardhshëm. Albumi do të jetë albumi i parë i Mick, Keith Richards dhe Ronnie Wood në 18 vjet dhe i pari që nga vdekja e bateristit Charlie Watts vitin e kaluar.
Dua do të mbajë koncertin përmbyllës të turneut botëror “Future Nostalgia” me 28 Nëntor në Tiranë.
