Chelsea po shikon një marrëveshje për sulmuesin e Atletico Madrid, Joao Felix, në një huazim fillestar për të forcuar sulmin e Graham Potter për gjysmën e dytë të sezonit, raporton ekskluzivisht The Telegraph, përcjell Sinjali Sport.
Felix, 23 vjeç, është në dispozicion me çmimin e duhur kur merkato të hapet javën e ardhshme dhe, sipas raporteve spanjolle, Atletico është gati për të pranuar një ofertë nga Chelsea pasi ata kërkojnë të ngjiten në vendet e Ligës së Kampionëve.
Chelsea po shqyrton një huazim me një opsion ose detyrim për të blerë në verë, në varësi të kushteve që Atletico dëshiron për largimin e Felix pas katër sezoneve të portugezit në Madrid pas lëvizjes së tij nga Benfica në një marrëveshje me vlerë më shumë se 100 milionë funte.
Spanjollët dëshirojnë një tarifë rreth 8 milionë për huazimin e Felix dhe gjithashtu të mbulojnë të gjithë pagën e futbollistit për skuadrën që dëshiron shërbimet e tij.
