image Ceremoni e frikshme, vajzat goditen me litar "për t'ua larguar shpirtrat e këqij"

Botë

Indi/ Ceremoni e frikshme, vajzat goditen me litar “për t’ua larguar shpirtrat e këqij”

news image

Gratë dhe vajzat e reja janë vënë në rresht për t’u fshikulluar si pjesë e një rituali hindu në jug të Indisë. Ceremonia ekstreme fetare zhvillohet për të kuruar sëmundjet dhe për të larguar shpirtrat e këqij.

Pamjet tregojnë gratë e gjunjëzuara që goditen në kurriz dhe duar nga priftërinjtë, si pjesë e festimeve të “Vijayadasami” të mbajtura në fshatin Bavithram Vellalapatti.

Rituali mendohet se shpëton gratë dhe vajzat nga shpirtrat e këqij, si edhe i shërojë sëmundjet. Sipas traditës, nëse një grua nuk ndjen dhimbje, kjo do të thotë se ajo ka rënë viktimë e forcave të errëta.

“Kur prifti godet gratë nëse nuk ndjejnë dhimbje janë të kapura nga shpirtrat e këqij. Përndryshe do ndjejnë dhimbje. Pas fshikullimit shpirtrat e këqij do largohen nga trupat e tyre”, tha një banor lokal.