Këngëtari i njohur kosovar Butrint Imeri ka shënuar një nga momentet më të rëndësishme të karrierës së tij me publikimin e albumit më të ri “I Pari”, një projekt madhor që po komentohet gjerësisht nga fansat dhe industria muzikore.
Albumi përmban 14 këngë dhe u publikua më 10 qershor, pas një pritjeje të gjatë nga publiku.
I konsideruar prej vitesh si një nga artistët më të suksesshëm dhe më të dëgjuar në trojet shqiptare, Butrinti vjen me një album që pasqyron pjekurinë e tij artistike, stilin unik dhe aftësinë për të sjellë vazhdimisht hite që pushtojnë platformat muzikore.
Me zërin karakteristik, interpretimin emocional dhe produksionin modern, ai vazhdon të mbetet një prej emrave më të rëndësishëm të muzikës shqiptare.
“I Pari” sjell një kombinim të balancuar të baladave dhe ritmeve moderne, duke dëshmuar edhe një herë pse Butrint Imeri konsiderohet ndër artistët më inovativë të gjeneratës së tij. Projekti u parapri nga kënga “Sytë e Mi”, e cila u prit shumë mirë nga publiku dhe ngriti edhe më shumë pritshmëritë për albumin.
Gjatë karrierës së tij, Butrinti ka prodhuar një varg hitesh që kanë grumbulluar qindra miliona dëgjime në platformat digjitale, duke ndërtuar një bazë të madhe fansash jo vetëm në Kosovë e Shqipëri, por edhe në diasporë. Suksesi i vazhdueshëm dhe aftësia për të qëndruar në krye të skenës muzikore e kanë shndërruar atë në një nga figurat më të dashura të publikut shqiptar.
Me albumin “I Pari”, Butrint Imeri jo vetëm që konfirmon statusin e tij si superstar i muzikës shqiptare, por vendos edhe një standard të ri për projektet muzikore të këtij viti, duke dëshmuar se mbetet një nga artistët më të kompletuar dhe më të suksesshëm të momentit.
Më poshtë vetëm disa nga këngët më të reja të artistit:
Sinjali – aty ku e vërteta flet para lajmit!