Një rast tragjik ka ndodhur sot në kryeqytet, ku Gazeta Sinjali raportoi detaje se një grua është plagosur me thikë nga partneri i saj, i cili më pas është gjetur i vdekur në banesën e tij.
Siç raportoi Sinjali, ngjarja ka ndodhur rreth orës 15:08 është pranuar një informatë për një incident të dhunshëm që ka ndodhur në rrugën “B”, afër ordinancës stomatologjike “Alba Dent”.
Sinjali mëson se gruaja është Rina Isufi, rreth 31-vjeçare e cila dyshohet se është therur me thikë në dorë nga bashkëshorti i saj, Festim Isufi. Ajo është takuar nga njësia policore dhe është dërguar menjëherë për trajtim mjekësor. Burimet tona konfirmojnë se e lënduara është jashtë rrezikut për jetë.
Ndërkohë, i dyshuari, Festim Isufi, është gjetur pa shenja jete në banesën e tij në rrugën “B”, tek ndërtesa “Dervisholli”, kati i gjashtë, hyrja 18. Ekipi mjekësor në vendin e ngjarjes ka konstatuar vdekjen.
Kush ishte Festim Isufi?
Gazeta Sinjali mëson se Festim Isufi me profesion ka qenë dizajner, i cili edhe ka pasur një butikë fustanesh.
Ai ishte stilisti i parë shqiptar që prezantoi koleksionin e tij prej 20 veshjeve “Haute Couture” në Javën e Modës në Paris.
Përveç këtyre, Isufi kishte mbajtur edhe kurse profesionale për dizajn mode.
Po ashtu, Isufi dhe viktima janë kurorëzuar së bashku në vitin 2016.
Sinjali – aty ku e vërteta flet para lajmit!