Lëvizja Vetëvendosje dhe Lista Guxo vazhdojnë të kenë bashkëpunim në rrafshin politik, dhe jo vetëm në atë qëndror.
Kjo pasi, Gazeta Nacionale ka marrë vesh se zyrtari politik i kabinetit të Shpejtim Bulliqit, Arbër Sfishta, ka qenë i pranishëm në takimet e Listës Guxo në Podujevë.
Lidhur me këtë, gazeta kontaktoi me aktivistin dhe anëtarin e Këshillit të Përgjithshëm të Lëvizjes Vetëvendosje.
Sfishta në një prononcim për Nacionalen ka thënë se ka marrë pjesë si fotograf .
Madje, ai konfirmoi edhe praninë e Bulliqit në takim të Listës Guxo.
“Siç p’e potencon edhe ti që jam pjesë e kabinetit të kryetarit Shpejtimi Bulliqi, kam qenë së bashku me të si mysafir dhe fotograf njëkohësisht! Faleminderit e respekt!”, tha shkurtimisht Sfishta për Nacionalen.
