Armando Broja do të fluturojë për t’iu bashkuar Chelseat në turneun e tyre në SHBA këtë javë, ka kuptuar The Athletic.
Broja nuk ishte në grupin që u largua të shtunën mes pasigurisë për të ardhmen e tij në Stamford Bridge.
Por mësohet se nuk ka pasur lëvizje të rëndësishme dhe sulmuesi 20-vjeçar do të lidhet me trajnerin Thomas Tuchel dhe pjesën tjetër të skuadrës së tij në ditët në vijim.
Reprezentuesi shqiptar, i cili nënshkroi një kontratë pesëvjeçare verën e kaluar, është objekt i interesit nga West Ham United dhe Everton, megjithëse planet e Chelseat për të mbeten të paqarta.
Broja e kaloi sezonin e kaluar si huazim te klubi tjetër i Premierligës, Southampton, duke shënuar 13 gola në 45 paraqitje për klubin dhe kombëtaren.
Ndeshja hapëse e Chelseat në turneun e tyre në SHBA kundër Club America do të zhvillohet më 17 korrik.
