Britania do t’i paguajë njerëzit që të hapin shtëpitë e tyre për ukrainasit që ikin nga pushtimi rus, ndërsa qeveria po lëviz për të shmangur zemërimin mbi përgjigjen e saj ndaj krizës së refugjatëve në rritje më të shpejtë në Evropë që nga Lufta e Dytë Botërore.
Skema e re e quajtur “Shtëpi për Ukrainën” do t’i lejojë refugjatët nga lufta të vijnë në Britani edhe nëse nuk kanë lidhje familjare, tha qeveria, shkruan Al Jazeera.
Britania do t’u paguajë njerëzve 350 paund (456 dollarë) në muaj nëse ata mund t’u ofrojnë refugjatëve një dhomë rezervë ose pronë për një periudhë minimale prej gjashtë muajsh.
Sipas The Guardian, Mbretëria e Bashkuar ka lëshuar më shumë se 3 mijë viza për familjet ukrainase përmes skemës së saj të refugjatëve, ka thënë një ministër i qeverisë.
